Зүүн хойд Азийн хотын дарга нарын форумыг 2 дахь удаагаа “Хотуудын ногоон өсөлт: Эрчим хүчний ногоон шийдлүүд” сэдвийн дор 2016 оны 08 дугаар сарын 03-05-ны өдрүүдэд Улаанбаатар хотноо зохион байгуулсан бөгөөд сэргээгдэх эрчим хүч, эко тээвэр, цэвэр технологи, ногоон төслийн хөрөнгө оруулалт, санхүүжилт сэдвүүдээр хэлэлцлээ.
Хурлын сэдэвтэй уялдуулан “Хотын ногоон шийдлүүд – 2016” үзэсгэлэнг 2016 оны 08 дугаар 03-04-ний өдрүүдэд Их эзэн Чингис хааны талбайд хамтатган зохион байгууллаа.
Үзэсгэлэн эко эрчим хүч, эко цахилгаан дулаан, эко тээвэр, эко үйлдвэрлэл гэсэн дөрвөн чиглэлээр зохион байгуулагдсан бөгөөд нийт 48 аж ахуйн нэгж байгальд халгүй, эко бүтээгдэхүүн үйлчилгээгээ танилцууллаа. 20 гаруй хотын төлөөлөгчид үзэсгэлэнг үзэж сонирхлоо.
